Batong-bato ka, mas lalo na ako
Kanina pa ako nakatengga sa kwarto
Nagbibilang ng mga alikabok
Ina-identify species ng mga lamok
Ang mga duming nagkalat
Electric fan, beer at laptop
Mga damit at gamit na wala sa ayos
Nililimitahan ang aking pagkilos
Sa lahat ng problema natin sa mundo
Isa lang ang solusyon dito
Tatakas ako
Takas tayo
Rinding-rindi na tenga ko
Sa paulit-ulit na tugtog ng XpressMusic ko
Masyadong mabagal ang Tattoo
Puro virus naman internet shop sa kanto
Sarado ang Jollibee, South Star, at Mercury
Kanina pa ako hindi mapakali
Ano kaya kung ako ay mag-yosi?
Umpness, wala akong pansindi
At honga pala may exams pala ako
At nag-uumapaw na mga proyekto
Sa lahat ng suliraning ito
Alam ko na gagawin ko
Tatakas ako
Takas tayo
Pero teka tinatamad yata ako
At siyempre magpoprocrastinate na naman ako
Saka na lang tayo tumakas
Hindi pa ako naghihimagas*
Tulungan mo na lang ako
Mag-organize tayo ng mga gamit ko
Labhan mo lahat ng damit ko
Habang ako’y nanonood ng Naruto
Sunugin natin mga baul ng pera ko
Para mag-free up ng space sa kwarto
At siyempre pagkatapos ng lahat ng ‘to
Inuman tayo magdamag, libre mo
Hindi na pala natin kailangang lumayo
Solusyon sa mga problema’y naririto
Tulugan natin ang lahat ng ito
Paggising nati’y wala nang mga ‘to
*himagas = dessert
